نزار

نزار

         یہ معد کے بیٹے تھے جب انکی ولادت ھوئ اور انکے والد معد نےانکی دونوں آنکھوں کے درمیان وہ نور نبوت چمکتا دیکھا جو پشت در پشت منتقل ہوتا چلاآرہا تھا تو انکی خوشی کی کوئ حد نہ رہی -آپ نے کثیر تعداد میں اونٹ ذبح کۓ پرُتکلف دعوت کا اہتمام کیا جس پر بڑا روپیہ خرچ ہوا اسکے باوجود کہا کہ اس بیٹے کی صورت میں جو انعام اللہ تعالیٰ نے مجھ پر کیا ہےاس کے مقابلہ میں جو کچھ میں نے خرچ کیا ہے کچھ بھی نہیں-

            

      ھٰذا نَزْرٌ قَلِیْلٌ فِیْ حَقِّ ھٰذَا ا لْمَوْلُوْدِ

    اسی سے اس مولود مسعود کا نام نزار مشہور ہو گیا

                                                  

                                                                         ( سبل الہدیٰ و الرشاد فی سیرۃ خیرالعباد )

آپ اپنے زمانے میں تمام لوگوں سے حسین و جمیل تھے اور عقل و فہم میں کوئ انکا ہمسر نہ تھا -علامہ ماوُری "اعلام النبوۃ" میں فرماتے ہیں کہ یہ فرزند بڑا بلند اقبال تھا جس شاہی دربار میں تشریف لے جاتے بادشاہ خود انکا اکرام کرتے - اور بڑی محبت سے پیش آتے-